Sosial Şəbəkələrdən E-mail Adreslərinə Gələn Bildirişlərin Dayandırılması!

Əgər sizin də e-mail adresiniz Facebook və Twitter sosial şəbəkələrindən gələn yüzlərlə lazımsız bildiriş məktublar üzündən istifadəyə yararsız olubsa, narahat olmayın, bu videoya baxmaqla problemi aradan qaldırmış olacaqsınız. Artıq e-mail adresinizi rahatlıqla istifadə edə bilərsiniz... :)

Dünyanın Ən Seksi Müəlliməsi Çində Yaşayır (45 Şəkil)

Meet Zhu Songhua adlı və "Dünyanın Ən Seksi Müəlliməsi" ləqəbini daşıyan bu xanım Çində yaşayır. Baxmayaraq ki, üzündə həddindən artıq kosmetika var, ancaq məncə, o, kosmetikasız da çox gözəl görünür. Yeri gəlmişkən, onun dərslərindən tələbələri nəsə öyrənə bilirlər, yoxsa yox, həqiqətən bu, mənim üçün çox maraqlıdır. :)

Ana Ayı Onun Balalarına Hücum Edən Pələngə Qarşı (12 Şəkil)

Şəkillər bir fotoqraf tərəfindən maraqlı bir zamanda çəkilmişdir. Belə ki, ana ayı üzərində öz yeni dünyaya gəlmiş balaları ilə birlikdə yemək axtarışına çıxmışlar. Bu vaxt onların qarşısına bir pələng çıxır və pələng ana ayını qorxudub qaçırtmaqla balalarını ələ keçirdib yemək istəyir. Ancaq ana ayının balalarına olan sevgisi onu öz həyatını təhlükəyə atması bahasına belə olsa, geri çəkilmir, əksinə pələngi qorxudaraq həmin ərazidən qaçmasına nail olur.  

Kazino Qızları (30 Şəkil)

Yəqin ki, TV-də ayrı-ayrı xarici filmlərə baxarkən onlarda göstərilən kazino sujetlərinin çox böyük əksəriyyətində açıq-saçıq geyimlərdə olan qızların olduğuna rast gəlmisiniz. Filmlərdən insanlara çatdırılan fikir isə çox sadədir. Çünki kazinolara gələn imkanlı şəxslərin diqqətini çəkən ilk növbədə orada olan gözəl qızlar olur. Belə gözəl qızlar isə onları həm kazinoda çox qalmağa və təbii ki, daha çox pul xərcləməyə də vadar edir. Əlbəttə bundan ən çox qazanan isə həmin kazinonun sahibləri olur.

Çinli Tələbələr Yayın İstisindən Necə Qorunurlar? (15 Şəkil)

Şəkillər Çinin Vuhan adlı şəhərində təhsil alan tələbələrin günlük həyatını ortaya qoyur. Universitetlərin yataqxanalarındakı vəziyyətin acıncaqlı olması və ümumiyyətlə yay mövsümündə tələbələrin istidən qorunmaları üçün heç bir şəraitin olmaması, həmin şəraitin tələbələrin özü tərəfindən yaradılmasını zəruri edir. Beləliklə, şəkillərdə Çinli tələblərin istidən özlərini qorumaları üçün ən ağlagəlməz variantlara baş vurduqlarını görəcəksiniz.

Dünyanın Ən Gözəl Əkiz Qızları (27 Şəkil)

Dünyanın hər il keçirilən "Ən Gözəl Əkiz Qızlar" yarışmasının 2010-cu il müsabiqəsindən görüntülər...

Bu qızlar sadəcə gözəl və cazibədar olmaları ilə deyil, eyni zamanda müəyyən bacarıqlarının olması ilə də fərqlənirlər. Yəni qeyd etdiyim kimi, yarışma sadəcə qızların (əkiz bacıların) xarici görkəmi ilə deyil, habelə onların hər hansı sahədə olan qabiliyyətlərini də nəzərə almaqla təşkil olunur.

16+

2011-ci İlin Ən Eybəcər İti Seçildi (17 Şəkil)

Şəkildə gördüyünüz ilk baxışdan sevimli görünən bu it 2011-ci ilin ən eybəcər iti seçildi. Belə ki, hər il Kaliforniya ştatındakı Petaluma şəhərində keçirilən 23-cü "Dünyanın Ən Eybəcər İti" yarışında 14 yaşlı çin əsilli Chihuahua cinsi bu it qalib gəldi.

Su Üzərində Batmadan Sərbəst Hərəkət Edə Bilən Adam (6 Şəkil)

Şəkildə gördüyünüz bu adam necə edirsə sürətlə hərəkət edərək suyun üzərində batmadan gəzə bilir. Maraqlısı odur ki, onun üzərində ona belə qeyri-adi enerji verəcək hər hansı aparatın da olduğu görünmür. Bəlkə də kifayət qədər sürətli olması üçün hansısa narkotik maddədən istifadə etmişdir. Ya da bəlkə də 

sadəcə "Redbull" içib suda artistlik edir. Axı "Redbull" qanadlandırır... :)

Facebook'da Səhifəni "xakerlərdən" Necə Qorumaq Olar?

Facebook'da son vaxtlar Azərbaycanlı istifadəçilər arasında səhifə yaratmaq çox geniş yayılmışdır. Demək olar ki, hər adda, hər mövzuda səhifələrə rast gəlmək mümkündür. Lüzum olmadığı halda belə, eyni məzmunlu, hətta bəzi hallarda eyni adlı çoxlu sayda səhifələr yaradılır ki, həmin səhifələrin də bir çoxu qısa müddətdən sonra onlara olan marağın itməsi, yaxud səhifənin yenilənmə prosesinin çox zəif olması, ya da səhifənin ələ keçirilməsi nəticəsində istifadəsiz qalır. 

Dünyanın Ən Təhlükəli İtləri (10 Şəkil)

Bu listdə dünyanın ən təhlükəli 10 it cinsi ilə tanış olacaqsınız. Təbii ki, listi təqdim etməzdən öncə qeyd etmək lazımdır ki, bu siyahı sadəcə həmin itlərin sahiblərinin vermiş olduqları rəyə əsasən hazırlanmışdır. Yəni heç də hər zaman bu itlər təhlükə mənbəyi olmurlar, bəzən onların içindən insanlar üçün əsl "dost" olan itlər də çıxır. İndi isə onluqla tanış olaq. :)

Zibillik İçində Batan Şəhər - Qahirə (45 Şəkil)

Misirin paytaxtı Qahirənin 8 milyondan çox əhalisi vardır. Bu qədər çox insanın şəhəri sürətli çirkləndirməsi də müəyyən mənada normaldır. Bu zibillikləri təmizləyən isə "Zabbaleen" adı verilən qrupdur. Bu sözün ərəbcədən tərcüməsi "zibil insan" deməkdir. Bu qrupa xristiyanlar daxildir və şəhərin bütün zibilliklərini təmizləmək də onların öhdəsinə buraxılmışdır. Zabbaleen'lər qeydiyyata alınmadan fəalliyyət göstərirlər və onlar təxminən bu işlə 100 ildir ki, məşğul olurlar. Onlar zibillikləri gəlib toplayıb şəhərdən bir neçə km aralıdakı yaşadıqları yerlərə aparırlar və orada həmin zibilləri ayırd edir istifadə ediləsi əşyalar tapdıqda özlərində saxlayır, yaxud onlar təmir edib yenidən ucuz qiymətə satışa çıxardırlar. Onlar ayrı-ayrı müəssisələrlə də çox vaxt razılaşırlar və çox kiçik haqq müqabilində və ya çox vaxt da pulsuz həmin müəssisənin tullantılarını gəlib aparırlar. Hətta onların yaşadığı binalar belə zibilliklərlə doludur. Bunu siz şəkillərə nəzər saldıqda da aydın şəkildə görəcəksiniz. Zabbaleen'lərlə bağlı türk dilində çox maraqlı məlumatlar tapdım, bütün informasiyanı tərcümə etmək çox vaxtımı alardı, ona görə də türk dilində sizə təqdim etməli oldum. Şəkillərə nəzər saldıqdan sonra, məqalə ilə də tanış ola bilərsiniz...

Trinidad'da Asfalt Göl (18 Şəkil)

Əvvəlcə asfalt barədə məlumat verim. Vikipediya'da yazıldığı kimi asfalt dedikdə, Xam neftin işlənməsi nəticəsində tərkibində ağır metalların və kükürd olan yan məhsul başa düşülür. Asfalt əsasən yol örtüyü olaraq, bəzən də evlərin damlarını möhkəmləndirmək üçün istifadə olunur. 

Asfalt göl olaraq da tanınan və əsl adı "Pitch" olan bu göl Mərkəzi Amerika regionuna daxil olan Trinidad adlı dövlətin ərazisində yerləşir və dünyanın ən nadir və qeyri-adi göllərindən biridir. Dövlətin ərazisi və gölün yerləşdiyi coğrafi mövqe barədə aşağıdakı şəkillərdə yer ayrılmışdır. İnsanlar bu gölün üzərində sərbəst hərəkət edə bilərlər. Çünki gölün üzəri dünyanın ən böyük və təbii yolla yaranan asfalt qatı ilə örtülmüşdür.

Müxtəlif Ölkələrdə Yay Necə Keçir? (31 Şəkil)

Yayın gəlməsi, havaların istiləşməsi kimilərini çox sevindirsə də, kimilərinə böyük problemlər yaradır. Məsələn, baş verən yanğınlar həmin adamların evlərini və onlara məxsus olan digər əmlakları ciddi şəkildə zədələyir. Onlar üçün yay, xüsusilə də həmin ilin yayı heç vaxt xatırlamaq istəməyəcəkləri bir zaman olur. Ancaq bəziləri üçün isə Yay fəsli ən sevimli fəsildir. Çünki uzun zamandan bəri həsrətlə baxdıqları dənizə məhz Yayda girmək imkanı əldə edirlər. Yaxud başqa yollarla yayın istisində həzz almağı bacarırlar. Özü də tək insanlar yox, habelə heyvanlar da. Lakin dənizə girmək qaydası da hər ölkələrin adət-ənənəsindən, qayda-qanunundan asılı olaraq da müxtəlif olur. Yəqin görmüsünüz, bir fars ailəsinin dənizə hansı geyimdə girməsini... :)

Müxtəlif İllərdə Nüvə Silahlarının Sınaqdan Keçirilməsi (28 Şəkil)

Nüvə silahı (atom silahı) — atom nüvəsinin parçalanma reaksiyası nəticəsində nüvədaxili enerjinin (atom enerjisinin) bir hissəsinin ayrılması hesabına çox qüvvətli partlayış yaradan aviasiya bombası. Nüvə reaksiyaları (bölünmə və ya sintez reaksiyaları, yaxud hər ikisi birlikdə) nəticəsində qapalı həcmdə böyük miqdarda ayrılan nüvədaxili everjidən baş verən partlayış təsirli silahların ümumi adıdır. Bu reaksiyalarda maddənin kütlə vahidindən ayrılan everji adi partlayıcı maddədəkinə (trotildəkinə) nisbətən 20—80 mln. dəfə artıq olur. Son dərəcə sürətlə və külli miqdarda ayrılan enerji nüvə partlayışı kimi meydana çıxar və öz gücünə və zədələyici amillərinin (zərbə dalğası, işıq şüalanması, nüfuzedici radiasiya, radioaktiv zəhərlənmə və elektromaqnit impulsu) xarakterinə görə adi döyüş sursatlarının partlayışından fərqlənir.

Taylandda Bomba Yerləşdirilmiş Avtomobillə Terror Aktı (7 Şəkil)

Hadisə Taylandda baş vermişdir. Polisə küçələrdən birindəki avtomobilə bomba qoyulması ilə bağlı anonim zəng gəlir. Bu xəbəri aldıqdan sonra dərhal polislər bomba üzrə xüsusi mütəxəsisləri də özləri ilə götürərək şübhəli bilinən avtomobilin yerləşdiyi küçəyə gəlirlər. Bomba üzrə mütəxəsislərdən biri avtomobilə yaxınlaşır və tam başını avtomobilin pəncərəsindən içəri salmaq istəyirdi ki, bomba işə salındı və güclü partlayış baş verdi. Xoşbəxtlikdən, küçədəki insanlar hadisə yerindən uzaqlaşdırıldığından onlara zərər dəymədi. Bomba üzrə mütəxəsis isə özünü kənara atdı və əgər bir neçə saniyə də geciksəydi, artıq o da həyatda olmayacaqdı. Tayland hüquq mühafizə orqanlarının verdiyi məlumata görə, hadisənin törədilməsində təqsirkar Taylandda separatçılıq edən qruplaşmaq məsuliyyət daşıyır.

İran Hərbi Qüdrətini Nümayiş Etdirərkən (71 Şəkil)

Şəkillərdə öz hərbi qüdrəti ilə tez-tez öyünən İranın hərbi texnikasını, habelə əsgərlərini görəcəksiniz. İran əsgərlərinin döyüş əzminin, həmçinin iradələrinin hansı səviyyədə olması barədə bir şey deyə bilmərəm, ancaq ondan əminəm ki, İranın yuxarı dairələri əgər həqiqətən də bu texnikaya əmin olub İsrail və ABŞ əleyhinə tez-tez fikirlər səsləndirirlərsə, cəhənnəmə getməyə tələsirlər. Hərbi texnikaya ilk baxışdan böyük hissəsinin Sovet istehsalı köhnə silah-sursat olduğu bəlli olur. Məncə bu texnika ilə İran ən yaxşı halda vəhşi heyvanlar ovlaya bilər. :) Əlavə olaraq bir məlumatı da qeyd edim ki, 1980-1988-ci illəri əhatə edən İran-İraq müharibəsində İran tərəfindən tam bir milyon əsgər məhv olmuşdur və çox təəssüflər olsun ki, onların da ən azı yarsı əksəriyyəti azərbaycan türkləri olmaqla İranın türk əsilli vətəndaşlar idi...

Sualtı Dünyanın Canlı Aləmi (21 Şəkil)

Su altındakı canlı aləmdən maraqlı görüntülər...

Supermodellər Kosmetikasız Necə Görünür? (10 Şəkil)

Supermodellərin əksəriyyəti internetdə qarşımıza çıxan şəkillərdə, yaxud TV-də göründüyü kimi gözəl və cazibədar deyildirlər əslində. Onları bizə cazibədar göstərən makyajın möcüzələridir, onların özündə fərqli heç nə yoxdur əslində. :) Şəkillərdə dünyanın tanınmış bir çox supermodellərini makyajsız görəcəksiniz. Makyajsız necə qorxulu göründüklərinin özünüz də şahidi olun. :) Bundan sonra, gecələr onlarla xəyallar quranda 2-ci dəfə də düşünün. :)) Yeri gəlmişkən, öncədən xəbərdarlıq edim ki, ürəyi zəif olanlar baxmasın... :))

Çilidəki "Puyehue" Vulkanının Partlayışından Maraqlı Görüntülər (20 Şəkil)

Puyehue vulkanı eyni adlı gölün cənub sahillərindən görünür. Çili ərazisində yerləşir. Hündürlüyü 2.236 metrdir və dəniz səviyyəsindən olan yüksəkliyi isə 1800 metrə bərabərdir. Çili seysmik cəhətdən fəal zonada yerləşdiyindən orada tez-tez vulkanların və zəlzələlərin aktivlik göstərməsi də normal qarşılanır. Hətta yerli fotoqraflar belə vulkan partlayışları zamanı meydana çıxan möhtəşəm görüntüləri çəkərək fotokameralarının yaddaşına köçürür və sonra xarici mətbu orqanlarına baha qiymətə də satırlar. Son illərdə vulkan xüsusilə aktivləşmişdir. Ən son partlayışlar isə keçən ayın əvvəllərində müşahidə olunmuşdu. Həmin vaxt Çili höküməti o ərazidən 3500 -dən çox sakini evekuasiya etmişdi. Bir maraqlı məlumatı da qeyd edim ki, bu yaxınlarda facebook'dakı xarici səhifələrdən birində oxuduğuma görə, vulkanların yerləşdiyi ərazilərdə torpaqlar daha zəngin olur, yəni belə torpaqlar həm əkinçilik üçün faydalı olurlar, həm də yeraltı sərvətləri də müqayisədə çox olur...

Kompüterdə Çox Oyun Oynamağın Zərərləri (8 Şəkil)

Bu layihə İOCOSE və Matteo Bittanti tərəfindən birgə hazırlandı. Məqsəd isə diqqətləri kompüter oyunlarının insanlarda yarada biləcək mümkün deformasiyaları göstərmək idi. Görünür ki, layihə həqiqətən də uğurlu alınıb. Çünki hazırlanan şəkillər və onların insan sağlamlığında yarada biləcəkləri mənfi effektlər yüksək səviyyədə şəkillər vasitəsi ilə ifadə edilib. Şəkillərdə həddindən çox kompüter işlədən və ya oyunlar oynayan istifadəçilərin barmaqlarında, əllərində, habelə gözlərində yarana biləcək fəsadlar əyani şəkildə göstərilir. Təbii ki, yazının əvvəlində də qeyd etdiyim kimi, bunlar sadəcə bir layihədir, ancaq gerçək olma ehtimalı da 100%-dir. Ona görə də, kompüterdən istifadə edərkən, yaxud video oyunları oynayarkən "hər şey qədərində" yaxşıdır misalını yaddan çıxarmayaq...

Rus Gəncliyinin Tüfeyli Həyatı (5 Şəkil)

Bu şəkillər bir neçə gün bundan öncə Moskvadakı bir magistral yolda çəkilmişdir. Avtomobilin sürəti təxminən 60 km/h idi. Şəkillərdən də aydın olduğu kimi, maşındakı gənc oğlanlar və qızlar spirtli içkini - vodkanı içib və bəlkə də, narkotik maddə də qəbul edib yenə açarlarını itirmişdilər. Xoşbəxtlikdən, onların heç biri idarəetmələrini itirib, avtomobilin üzərindən yerə yıxılmadılar...

Yunan Əsgərlərinin İradəsi (1 Şəkil)

O, Yunan Parlamentini iğtişaşlar yaradan qruplardan qorumaq məqsədi ilə həmin əraziyə yerləşdirilmiş yüzlərlə hərbi qulluqçudan biridir. Hətta polis həmin qrupu dağıtmaq üçün düz onun yanında gözyaşardıcı qazdan istifadə etsə belə, o, gözlərindən yaşın axmasına baxmayaraq, əvvəlki duruşunu itirmədi. Şəkil 2007-ci ildə çəkilmişdir, buna baxmayaraq hələ də, çox təsiredici bir iradəni sərgiləyir...

Dünyanın Dəniz Üzərindəki Ən Uzun Körpüsü (14 Şəkil)

Dəniz üzərində yerləşən Dünyanın ən uzun körpüsünün tikintisi nəhayət Çində başa çatdırıldı və istifadəyə verildi. "Jiaozhou" adı verilən körpü 42 km uzunluğundadır. Körpü Çinin cənub-şərqi liman şəhəri olan Qingdao şəhəri ilə sahildən xeyli aralıda yerləşən Huangdao adası ilə birbaşa əlaqə yarada bilmək üçün nəzərdə tutulmuşdur.

Will Smith 'in 1.8 Milyon Dollarlıq Treyleri (12 Şəkil)

Bu şəkillərdə tanınmış aktyor Will Smith 'in 1.8 milyon dollar dəyərində olan treyleri ilə tanış olacaqsınız. Yəqin ki, belə bir şey dünyada yalnız onda ola bilər. Kimin ağlına gələ bilər ki, o treylerin içi super şəraitdə olan iki mərtəbəli bir evdir? :) 

Porsche 911 'in İnkişaf Tarixçəsi (11 Şəkil)

Gəlin baxaq görək, Porsche 911 arxamızda buraxdığımız əsrdən bu günə kimi necə dəyişib, fərqliləşib. Bu şəkillərdə təxminən ilk istehsal edildiyi vaxtlardan bu günə kimi olan dəyişiklikləri görə biləcəksiniz. Bu isə 50-60 il ərzində edilən dəyişikliklər deməkdir...

Porsche 911 'i Necə Məhv Etmək Olar? (16 Şəkil)

Şəkillərdə görəcəyiniz Porsche 911 'in sahibi Massachusetts ştatından olan zəngin bir şəxs idi. O adı qeyd olunan maşınla qəza törətdi və ondan sonra avtomobil xeyli zədələnmişdi, ancaq avtomobilinə olan sevgisi yenisini ala biləcək qədər imkani olmasına baxmayaraq, bunu etmədi və əlavə 20 min dollar xərc çəkərək yenidən onu təmir etdirdi. Lakin təmir olunmasına baxmayaraq, avtomobil ona əvvəlki rahatlığı vermədi və ona olan marağı da itdi. Nəticədə avtomobildən ömürlük qurtulmaq qərarına gələn bu şəxs onu Amerika Silah Klubuna hədiyyə etdi. Silah klubuna hədiyyə olunan maşının başına baxın, sonra nə gəldi. Silah kluna üzv olan şəxslər hissə-hissə həmin avtomobili nişan alaraq ağır silahlarla atəş açdılar. Sadəcə bir neçə dəqiqə davam edən atəşdən sonra, avtomobil tanınmaz hala gəldi. Yazış maşın, o buna layiq deyildi...

Elly - Vyetnamı Dünyaya Tanıdan Məhşur Qız (30 Şəkil)

Viyetnamla bağlı yəqin ki, çoxunuzun məlumatı çox azdır. Bu da onunla bağlıdır ki, iqtisadi inkişaf cəhətdən geridə qalmış bir dövlətdir, qapalıdır. Buna görə də dünyaya inteqrasiya prosesi çox zəif gedir. Şəxsən mənim Vyetnamla bağlı olan məlumatlarım onun yerləşdiyi coğrafi mövqe və Vyetnan müharibəsi ilə bağlı olacaq informasiyalar qədər məhduddur. Şəkillərdə görəcəyiniz bu qızın adı Elly-dir. Yəqin ki, bu onun əsl adı deyil, sadəcə yaddaşda yaxşı qalması üçün bir növ ləqəb kimi bu ad verilib ona. Bu qızın Vyetnamı bütün dünyaya tanıtmasında nə qədər böyük rolu olduğunu bilirdinizmi? Yəqin ki, yox. 

Romantikanın Sonu :) (3 Şəkil)

Şəkillər yenə Çində çəkilmişdir. Bir cütlük yağşlı bir gündə parkda mehriban şəkildə gəzirlər. Ancaq onları bir neçə dəqiqə sonra gözləyən fəlakətdən xəbərləri belə yoxdur. Həmin an bundan xəbəri olan yeganə şəxs çox güman ki, onların şəkillərini çəkəcək olan fotoqrafdır. :) Fotoqraf əvvəlcə onların bir şəklini çəkir. Daha sonra isə baş verəcək daşqının olmasını gözləyir. Hər şey istədiyi kimi olur. Qəfil gələn su cütlüyü şok vəziyyətinə salır. Ancaq mənə nəsə maraqlı gələn oğlanın suda nə etmək istəməsidir. Bir əli qızda, bir əli də çətirdə olan o oğlanın həmin vaxt niyyəti, məqsədi nə ola bilərdi ki? :)

Təhlükəsiz İş? - Bu Sözlər Onlara Çox Yaddır (17 Şəkil)

Şəkillərin hamsı Çində çəkilmişdir. İşçilər Şifou sıldırım dağlarında hərəkət edə bilmək üçün bir kiçik körpü tikirlər. Şəkillərdən də aydın olduğu kimi, onların heç bir təhlükəsizliyi təmin olunmayıb və kiçik bir səhv belə onların həyatına son qoya bilər. Çox güman ki, bu, heç onları orda işəgötürən şəxsin vecinə də deyil. Çində insan çoxdur, biri ölsə belə, milyonlarla başqası həmin işdə sevə-sevə işləməyə hazırdır ideologiyası belə təhlükəli işlərdə fəhlələri çalışdıranlar üçün rəhbər prinsipdir.

Əgər Uşaqlar Valideyn Olsaydılar... (13 Şəkil)

Əgər uşaqlar valideyn olsaydılar, onda görüntülər bu şəkillərdə olduğu kimi olacaqdı... :)

Çin Əməliyyatçılarının Narkotika Ovu (8 Şəkil)

Çində polislər tərəfindən həyata keçirilən uğurlu əməliyyat nəticəsində xeyli miqdarda narkotik vasitələr həb formasında əldə edildi. Növbəti mərhələ isə, onların məhvi idi. Ancaq bu kimi həb formasına salınmış narkotik maddələrin yandırılması, əslində ətrafa çox təhlükəli qazların da yayılmasına səbəb olur ki, bu da həmin zonada yaşayan insanların sağlamlığı üçün real təhlükə yaradır. Qərb mətbuatlarının da bu məsələni bir neçə işıqlandırmasına baxmayaraq, Çində hər il xeyli sayda narkotik vasitələr bu yolla məhv edilir. 

Facebook'da Səni Kimin Dostluqdan Sildiyini Öyrən! (1 Şəkil)

Facebook istifadəçisi olan hər bir kəs bilmək istəyir ki, dostluq listində olanlardan kim onu silmişdir. Əslində bunu bilmək onun haqqıdır. Ancaq nədənsə Facebook rəsmi olaraq bu cür xidməti istifadəçilər üçün təqdim etmir. Bəlkə də, bu xidməti aktiv etsə, ondan sonra yaranacaq dava-dalaşları, qırğınları, söyüşləri düşünür. :) İndi bəzilərinin ürəyindən Mail.ru keçir. Fikirləşirlər ki, "heyif deyildi, kimsə silən kimi birbaşa xəbərdarlıq gəlirdi, söhbəti çürüdürdük". :) Ancaq bəzi yollarla da olsa, Facebook-da da kim tərəfindən silindiyinin öyrənilməsi mümkündür. 

Ən Təhlükəli Körpülərdən Biri - Hussaini Körpüsü (6 Şəkil)

Hussaini körpüsü Pakistanda Borit gölünün üzərində yerləşən asma körpüdür. Bu körpü bütün dünyaya ən təhlükəli olaraq bilinən kəndirdən ibarət körpüdür. Həmçinin bu körpü çox dar və qədimdir. Körpü göldən xeyli hündürdə yerləşir və uzun müddətdir ki, təmir-bərpa işləri aparılmadığından körpünün üzərindəki taxtaların da bir çoxu artıq suya düşərək yox olmuşdur. Ancaq təəssüf ki, yerli o ərazidə yaşayan insanlar hələ də bu qorxulu körpüdən istifadə etmək məcburiyyətindədirlər, çünki bu körpü onlar üçün iri şəhərlərə getməkdə yeganə keçid rolunu oynayır.

Şəkildəki Kərtənkələni Görürsünüzmü? :) (3 Şəkil)

Əvvəlcədən onu deyim ki, heç bir fotoşop və ya bənzəri başqa proqramlardan istifadə olunmayıb. Tamamilə təbiətdən çəkilmiş təbii şəkildir. Şəkilə ilk baxışdan ağacdan başqa adamın gözünə heç nə dəymir. Ancaq bu şəkildəki ağacda ona gizlənmiş, daha dəqiqi bədəninin dərisini ağacın rənginə uyğunlaşdırmış bir kəntənkələ var. Gözlərinə güvənən aşağıdakı şəkillərə baxmadan tapsın o kərtənkələni indi. :) 

Ölümdən Son Anda Qurtulmaq (4 Şəkil)

Şəkillər Çində bir vətəndaş tərəfindən çəkilib. Gördüyünüz kimi hündürmərtəbəli binanın üstdəki mərtəbələrindən birində oynayan uşaq idarəetməsini itirir və aşağı düşür, ancaq təsadüfən o, tikilinin divarına bərkidilmiş kondisionerlə divarın arasında sıxışıb qalır və bu, onu yerə düşməkdən son anda xilas edir. Növbəti mərhələ isə, uşağın sıxışmış olduğu yerdən çıxarılması olur. Şəkildəki şəxs də həyatını təhlükəyə atma bahasına belə olsa, onu sıxışdığı yerdən çıxarda bilir. Adətən filmlərdə gördüyümüz belə inanılmaz təsadüflər bu dəfə də çinlilərdə gerçək oldu. Çinlilər çox qəribə və bir o qədər də maraqlı xalqdırlar. Nəysə, Türklər demişkən, "mutlu sonluk". :)

Bu Şəkillərin İnternetə Düşməsi Onları Biabır Etdi (20 Şəkil)

Ona görə də harda, nə vaxt və kiminlə şəkil çəkdirdiyinizə diqqət edin. :)

Ya da əli kameralı və şübhəli-şübhəli baxışlarla sizdən gözünü ayırmayanlardan uzaq olun. :) Şəkillərin bəziləri 16+ olduğundan, bütün arxivə baxmamışdan öncə, bunu nəzərə alın!

Çində Uşaq Əməyinin İstismarı (20 Şəkil)

Uşaq əməyinin ən çox istismar olunduğu ölkələrdən biri də Çindir. Əsas səbəb kimi isə, iqtisadi vəziyyətin ağır olması göstərilir. Təbii ki, müxtəlif ağır şəraiti olan işlərdə uşaq əməyinin istismarına daha çox Çinin zəif inkişaf etmiş və diqqətdən kənarda qalmış qərb bölgələrində rast gəlinir. İqtisadi cəhətdən daha çox inkişaf etmiş şərq bölgələrində isə vəziyyət nisbətən qənaətbəxşdir.

Çində uşaq əməyinin istismarını əks etdirən şəkillər toplusu...

ABŞ-da 1908-1912-ci İllərdə Uşaq Əməyinin İstismarı (35 Şəkil)

20-ci əsrin əvvəllərində ABŞ-da sosial iqtiadi vəziyyətin ürəkaçan olmaması uşaq əməyinin də geniş yayılmasına səbəb olmuşdu. Həmin illərdə uşaq əməyindən istifadə artıq adi bir hala çevrilmişdi. Həmin uşaqların hər biri çox kiçik yaşlarından ən ağır işlərdə çalışmalı olmuş və əksəriyyəti də çox vaxtsız şəkildə dünyalarını dəyişmişdilər. Çünki işlədikləri şərait və qazandıqları pul onların günlük ehtiyaclarını belə ödəmirdi. Onların demək olar ki, tam əksəriyyəti təhsil ala bilməmişdilər. Buna baxmayaraq, sonralar onların içərisindən ABŞ-ın gələcəyi üçün çox böyük işlər görmüş tanınmış şəxsiyyətlər belə çıxmışdır. Hal-hazırda isə dünyanın bütün inkişaf etmiş dövlətlərində də uşaq əməyindən istifadə edilir, ancaq uşaq əməyindən pis formada (cinsi istismar və s.) qətiyyən yolverilməz hallardır. 

Şəkillər ABŞ-ın müstəqillik qazandıqdan sonrakı dövrünün və sosial iqtisadi vəziyyətinin reallıqlarını əks etdirən mükəmməl arxivdir...

Facebook'da Rast Gəlinən Ən Xoşagəlməz Şəkillər (22 Şəkil)

Facebook'un milyonlarla üzvü, istifadəçisi var və inanın ki, burda hər təbiətli, hər xasiyyətli insanlar var və bir qədər də çalışsanız bunu asanlıqla özünüz də müşahidə edə bilərsiniz. Bu şəkillər də elə qəribə insanların Facebook'a yüklədiyi özləri kimi xoşagəlməz görüntülərdir. Əslində bəzilərində həmin şəxslər inzibati və hətta cinayət məsuliyyətinə belə cəlb edilməlidirlər...

Mənasız Xəbərdarlıq (1 Şəkil)

Yəni o ucu şiş fason olan qəribə dəmirlərin üzərində oturmağı fikirləşən kimsə ola bilər ki?!

Amerkanların bəzən belə mənasız xəbərdarlıqları olur da fikir vermiyin! :)

Satışları Artıracaq Dahiyanə Fikir (1 Şəkil)

Ticarətlə məşğul olan insanların hər zaman beyinlərini "masaj" edən bir şey olur: "Satışları necə artırmaq olar?" Təbii ki, hər birinin də özünəməxsus variantları, yolları olur. Bu şəkildə isə atını satmaq istəyən adamın ağlına çox parlaq bir fikir gəlib. O, atını satmaq üçün xərc çəkib harasa elan vermək və nə qədər gözləmək əvəzinə, elanın özünü atın üzərində yerləşdirib. :) Beləliklə, atı görən hər kəs, onun satışa çıxarıldığını da anlamış olur. Hmm, bu adamın başı babat işləyir. :)

Ağsaqqalın Dünyadan Xəbəri Yoxdu! (1 Şəkil)

Bu gün rast gəldiyim maraqlı və gülməli şəkillərdən biri... :) 

İlk baxışda şəkildə qəribə və ya fərqli görünən heç nə yoxdur. Yaşlı adam səhv etmirəmsə, ictimai nəqliyyat vasitələrindən birində əyləşib harasa gedir. Özü də şəkildən də aydın olduğu kimi nəsə kefsiz, problemi varmış kimi görünür. Bəlkə də, elə ona görə də əlində tutduğu sumkanın üzərinə "Shopping Bitch" ifadəsinin yazıldığına fikir verməyib. :) "Shopping Bitch" -ingilis dilindən tərcümədə "bazarlıq etməyi xoşlayan fahişə" mənasını verir. Şəkli çəkən adam da belə mırt vəziyyəti heç əldən verməyib, şəkli vaxtında çəkib. :)

ABŞ-da Evsizlər və Onların Həyatı (44 Şəkil)

ABŞ-da 2008-ci ildən iqtisadi vəziyyətin bərbad vəziyyətə düşməsi bəzi şəhərləri "boşaltmaqla" yanaşı, yüzminlərlə insanı da evsiz qoydu. İqtisadi vəziyyətin gərginləşməsi xeyli sayda insanları da artıq yeni yaşayış yerini istəməsələr belə, seçməyə məcbur etdi. Artıq küçələr onların yeni "evləri" idi. Lakin axşamlar ABŞ küçələrinin nə qədər təhlükəli olduğu ABŞ-da olanlara çox yaxşı məlumdur. Tez-tez belə evsizlərə qarşı da motivi anlaşılmayan səbəblərdən hücumlar edilir. Təkcə 2008-ci ildə evsizlərə qarşı 116 hücum faktı olmuşdur ki, onların da 27-i ölümlə nəticələnmişdir. Florida ştatında belə evsizlərə, bomjlara qarşı hücumlar digər ştatlardan daha çox olur. Ancaq bir faktı da qeyd etmək lazımdır ki, evsizlərə qarşı edilən hücumların sayı rəsmi statistikada göstərildiyindən daha çoxdur. Bir çox hesabatlara görə, evsizlərə qarşı edilən hücumların səbəbi məlum olmasa da, bəziləri bunu sırf əyləncə, həyəcan və adrinalin üçün edirlər.

Titikaka Gölündə "Üzən" Adalar (12 Şəkil)

Titikaka gölü Boliviya və Peru sərhədlərində yerləşən Cənubi Amerikanın ən böyük şirinsulu gölüdür. Bu gölü başqalarından fərqləndirən bir cəhəti də dünyanın ən hündürdə yerləşən gölü adını daşımasıdır. Tektonik çatlar nəticəsində meydana gəlmişdir. Nəysə, göl barədə bu qədər ümumi məlumat kifayət edər məncə. :) Peruda bu gölün sahilində və göldəki "üzən" adalarda Uros adı verilən tayfalar yaşayır. Yerli tayfalardır. Adalara "üzən" adının verilməsi isə, xeyli sayda kiçik adalarda məskunlaşmış və təxminən 2000-dən çox evləri olan bu tayfaların bir-biri ilə əlaqə saxlamaq üçün yeganə vasitələri özlərinin düzəltdikləri kiçik qayıqlarıdır.

Karib Dənizinin Adaları - Dünyadakı Cənnət Yerlər (18 Şəkil)

Karib dənizi və onda yerləşən adalar hər zaman öz gözəlliyi və möhtəşəmliyi ilə diqqətləri çəkmişdir. Elə ona görədir ki, hazırda dünyada turistlərin ən çox üstünlük verdikləri istirahət məkanlarından biridir Karib adaları. Təbii gözəllik adalara qeyri-adi görüntü verir. İsti yay günlərini keçirmək üçün oradan daha yaxşı yer ola bilməz... ;)

İçib Açarını İtirənlər (36 Şəkil)

İçki o qədər də pis deyil, təbii ki əgər normasında içsəniz...Ancaq əgər normanı itirsəniz, hmm, bir gün şəklinizi belə bir kolleksiyada görsəniz, heç təəccüblənməyin... :)

Qum Dənələri Mikroskop Altında (11 Şəkil)

Mikroskop altında sanki hər şey realda insan gözünə göründüyündən daha fərqli, hətta daha gözəl görünür. Bu da onlardan biri. Adi halda bizə əhəmiyyətsiz gələn qum dənələri mikroskop altında olduqca gözəl görünürlər...

Heyrətləndirici Küçə İlluziyaları (15 Şəkil)

İsveçin paytaxtı Stokholmdakı Sergel meydanından inanılmaz gözəllikdə olan heyrətləndirici illuziyalar turistlərin ən çox maraq göstərdiyi yerlərdən biridir.

Bir Neçə Saata Döymə Üçün 3200 İynə (6 Şəkil)

7 iyunda Stayşa Randal adlı qız Ginnesin Rekordlar Kitabına düşməkdən ötrü öz həyatı və sağlamlığı bahasına olsa belə, 3200 iynənin döymə üçün qısa zaman ərzində ifadə edilməz ağrılara baxmayaraq, bədəninə sancılmasına izin verdi. Döymə, tatuaj işləri ilə məşğul olan Bil Robinzon bu işi həyata keçirdi. Rekordlar Kitabına adlarını yazdırdıqdan sonrakı sevincləri isə, şəkillərdə aydın görünür.

Belə bir şeyə razılıq vermək üçün insan nə qədər ağılsız olmalıdır, görəsən?

6 Əkiz: Əvvəl və Sonra (9 Şəkil)

Anna, Cenni, Keyt, Sara, Ras, Lusi adı verilən 6 əkiz körpə tam 27 il bundan qabaq İngiltərədə doğuldular. Şəkillərdə həm əkizlərin, həm də onların valideynlər Qraham (ata) və Ceynit (ana) -in keçən bu uzun zaman ərzində necə dəyişdiyini görəcəksiniz. Maraqlıdır, əkizlərin hamsı qızdır. Yəqin ki, onları saxlamaq və hər birinin nazı ilə oynamaq da ailə üçün əsl problem olubmuş. :) Həm də kim bilir onların evində nə qədər paltar var... :)

ABŞ - Meksika Sərhədlərindən Maraqlı Görüntülər (32 Şəkil)

ABŞ - Meksika sərhədinin cəmi uzunluğu 3169 km-dir. Bu sərhəd Dünyada ən çox keçilən və istifadə olunan sərhəddir. Belə ki, hər il 250 milyondan çox insan bu sərhədləri keçir. Sərhədlər qanunsuz keçmələrin qarşısını almaq məqsədi ilə bir çox yerlərdə bir neçə "mərtəbəli" müdafiə olunur. Onu da qeyd etmək lazımdır ki, Latın Amerikası ölkələrində istehsal olunan və ABŞ-da qara bazarda satılan narkotik vasitələr müxtəlif yollarla bu sərhədlərdən keçirilərək ABŞ-a, Kanadaya gətirilir, satılır, milyonlarla insanın həyatını zəhərləyir. Bundan başqa, sərhədləri qanunsuz keçməyə cəhd göstərən miqrantların da sayı milyonlarladır. Daha yaxşı həyat ümidi ilə sərhədi keçənlər, əslində ABŞ-a problemlərdən başqa bir şey gətirmirlər. Ona görə də, sərhədlərin ciddi şəkildə mühafizə olunması çox vacibdir. ABŞ-ın Meksika ilə olan cənub-qərbi sərhədləri daha çox pozulduğundan ən çox bu hissədə mühafizə tədbirləri gücləndirilir. Şəkillər vasitəsi ilə hər gün ABŞ-Meksika sərhədlərində yaşananlarla tanış ola bilərsiniz...